Mts — Customer care Not reply me...

Address:

Jodhpur, Rajasthan

mere pass MTS ka Postpaid connection he, Jiska No. [protected] he. Pichle 2 mahine se Dongle sahi nahi chal raha he, maine kahi bar complain ki lekin har bar alag alag jawab milta raha. Me service centre par bhi gaya Lekin ye kaha gaya ki 10-15 din lagenge. Me business man hu, mera Web Designing ka kaam he, bina internet ke mera kaam chal nahi sakta, aise me 10-15 din ka time service centre ki taraf se manga bilkul galat he. Maine kaha mujhe Standby Dongle provide karwa do, to woh bhi nahi karwaya gaya. Thak haar kar me vapas aa gaya. Dongle me problem bar bar aa rahi thi, , , chalta chalta beech me hi band ho jata he, or Red light aa jati he. Maine MTS ko complaint mail ki, waha se reply mila ki bahut jaldi aapki problem solve kar di jayege. Unhone computer me setting change karne ko kaha maine woh bhi kar di, Lekin koi fark nahi para, Maine Dobara phir mail ki, to reply mila ki 22 ghante me problem solve kar di jayegi. Me Ummed karke intjaar karta raha lekin koi response nahi mila. phir massage mila ki aapse contact nahi ho paa raha he isliye appki problem solve nahi ki ja sakti. Me bahut nirash ho gaya or phir maine 955 par or 155 par bar bar call kiya jaisa ki mujhe massage mila tha...Lekin call nahi laga. Phir maine [protected] par call kiya or waha se kisi person ne call attend kiya, Maine kaha ki meri complaint No. 12618 ke regarding baat karni he. Mujhe aage se kaha gaya ki aap kuch der hold kar lenge, Maine kaha ki bhai sahab thora jaldi karna...jyada der hold mat karwana...usne kaha G sir, Theek he. Phir usne call ko Hold par rakh diya...Me mere office me baita hua, , , client ke samne...phone ko hold kare baita raha ki ab waha se koi jawab milega...ab Milega. Lekin jawab nahi mila, Woh banda call Hold pe rakh kar pata nahi kaha chala gaya. Kisi bhi tarah ki information ke liye computer me check karne ke liye jyada se jyada 2 minute lagte he. Lekin me barabar 21 minute tak reply ka intjaar karta raha, Lekin call hold par hi rakha hua tha.. Woh person reply kar hi nahi raha tha. Mere samne mere client baithe the, mujhe bahut sharm mahsoos ho rahi thi or bahut gussa bhi aa raha tha. Mera pura mood kharab ho gaya, phir me kaam bhi nahi kar paya. or AAkhir thak haar kar mujhe call Cut karna para. Ye koi tarika he. Ye koi Service he... Aisa karna to bilkul Saja dene jaisa he, ki mobile ko 21 Minute tak aap pane KAN par lagakar rakkho or samne se koi aapko replye hi nahi de. Me MTS par, Service me kami or complaint door nahi kare ka CASE karna chahta hu. Please mera margdarshan kigiye, mujhe aage kya karna he. Mere jaise na jaane kitne MTS ke upbhokta honge jo, is tarah ki paresaaniyon se jhoojh rahe honge. Please Help me.