[Resolved]  Sandesh News Paper | Sandesh.com — મંજુરી વગરની શાળાઓ સામે કાર્યવાહી કરાવવા બાબત

પ્રતિ શ્રી સંદેશ પેપર ઉપરોક્ત વિષયના અનુસંધાને જણાવવાનું કે "વાત્સલ્ય સ્કુલ ઓફ નોલેજ" મુ.ઝાલોદ રોડ, મુ.પો.ફતેપુરા, તા. ફતેપુરા જી-દાહોદ માં આવેલી છે કે જેને સરકારી ધારા ધોરણ પ્રમાણે મંજુરી મળેલ નથી છતાં પણ ૯ જુન ૨૦૧૪ થી ગેરકાયદેસર ધો-૧ થી ૮ ચાલુ છે. આ શાળાએ નવી શાળા ખોલવા માટેની દરખાસ્ત કરેલ હતી પણ મંજુરી ની દરખાસ્ત ની પૂર્તતા ના હોવાથી સદર શાળાની દરખાસ્ત દાહોદ જીલ્લા શિક્ષણ અધિકારી દ્વારા દફતરે કરેલ છે. છતાં પણ નીતિ -નિયમોની એસી-તેસી કરી વગર પરવાનગીએ આ શાળા આજ દિન સુધી ચાલી રહેલ છે તથા વિદ્યાર્થીઓ ના ભાવી સાથે ચેડાં કરી રહેલ છે . નિયમ મુજબ વગર પરવાનગીએ શાળા ચલાવનારને ૩ લાખ રૂપિયા અને પ્રતિ દિવસનો ૧૦ હજાર પ્રમાણે દંડ લાગુ પડે છે. પણ આ શાળાને કોઈ દંડ લાગુ પડતો નથી એવું મનાઈ રહ્યું છે, તથા સ્થાનિક મીડિયા દ્વારા પણ કોઈ બહાર પાડવા તૈયાર નથી, કદાચ સ્થાનિક મીડિયાને તેમનું ચા-પાણી મળી ગયું હોય એવું લાગે છે . તો આપ સાહેબ ને મારી નમ્ર અરજ છે કે આવા તત્વોને સ્થળ પર તપાસ કરી ખુલ્લા પાડવા વિનંતી છે .