Nagar Nigam — Safai karmchari misbehaviour

Address:

Ashok nagar Agra

Dear sir,
Me Shamima Khatoon, pati Mirza aazam Ali baig, Ashok Nagar, Sindhi Colony, Quater no 06, Ground Floor, Block 12, ki niwasi hu.
Yaha par kooda le jane k liye Santosh baiya or unki patni aati thi, hum bhi kuch dino k liye Diwali ki chutti par gaye the to hume Santosh baiya ki akasmit mrityu k baare me pata nahi tha.
Ab Aaj subah 7-8 baje k beech unki jagah kisi or lady ko bheja tha kooda collect karne k liye, jo humari colony me Block 11, or block 13 se bhi kooda leti thi.
Pahle bhi mujhe dekhkar wo kooda lene se mana karti thi or aaj bhi mana kar rahi thi, jab ki sabhi colony wasiyo ka le rahi thi.
Baad me kooda mana karne ka karan ye gyaat hua ki wo musalman k ghar ka kooda nahi legi or na hi humare ghar k samne jhadoo lagayegi.
Me Dayalbagh University me Research Scientist ka kaam govt. Of India k liye karti hu or pH.D bhi kar rahi hu. Me Bharat ki ek responsible nagrik hu, or aapse vinti hai ki is tarah ka bhed bhaw karamchariyon me nahi hona chahiye iske liye unhe hidayat di jaye or sabhi k ghari se kooda liya jaye.
Dhanyawad