[Resolved]  Airtel — Not getting full talk time

Respected Sir,
Mera naam Dalwinder Singh hai. Main Punjab ke Malout city main rehta hu. Mere pass airtel ka No. [protected] hai.[protected] ko mere mobile pe ek message show hua jisme likha tha 47 pe 47 or 95 pe 95 ka full talk time. Maine 95 ka recharge karva liya lekin mere ko full talk time ki bajaye 380 MB 3G/4G net balance mila 11 days ke liye jabki mujhe full talk time ki jaroorat thi. Maine customer care main phone kiya to unki taraf se koi santoshjanak jawab nahi mila or jab maine kaha ki apne kisi senior se baat karva do to vah taal matol karne lage or meri baat nahi karvaai. Sir mere yahan airtel ke 5 sim hai or main ab sabko port karne ki soch raha hu kayoki airtel ki taraf se main satisfy nahi hu or pata nahi kitne logon ke sath esa hua hoga. Sir meri aapse vinti hai ki esa karne walon ke against action liya jaye. Main yeh shikayat hindi main likh raha hu taki sab isko padh sake or jaan sake.
Ek baar sir phir aapse prarthna hai ki esa karne walon ke against action liya jaye.
Prarthi,
Dalwinder Singh
[protected]