[Resolved]  Religare Securities Ltd — Religare cheated me

Address:

South Delhi, Delhi

Sir/Madam,
My name is Bhupendra Singh Tomar. I have a Trading account with Religare Securities Ltd at Green Park Branch, my Client ID is BT-946.

Maine Dec 2009 mein Rs. 50,000/- apne trading account mein dale takreeban 7,000/- pehle se mere account mein the.

Religare ke Relationship Manager Ashish Nagpal ke mujhe kaha ki Futures mein trading karte hain meine kaha ki mujhe Furures ki bulkul bhi jankari nahin hai lekin unhone kaha ki wo mere liye trading karenge unke assurance par wishvas karke maine unhe eisa karne ke liye han keh diya.

Har trading ke baad mujhe confirmation call aati thi ki apke itne Fut is rate par liye evam is rate par sale kar diye dono rates mein bahut kam margin hota tha. 2-3 din ke baad jab mujhe bill mila to usme 1.5 per share purchase par and 1.5 par share sale par brokerage laga hua tha maine turant Ashish Nagpal ko kaha ki aap transaction to 50 paise y 1 rs par kar rahe ho lekin brokerage to 3/- purchase and sale mila kar lag raha hai aap ise turant band kar do to unhone kaha ki woh mera brokerage kam karvakar excess amount ko reverse kara denge.

Iske baad mein unhe roj apne status ke bare mein puchhta raha ki meine kya kamaya ya mere account mein kya bacha hai. Lekin woh mujhe kabhi mein bahar hoon kabhi kuchh aur bahana banakar taalte rahe. Meine kai baar unke office mein bhi chakkar lagaye to unke sathiyon ne mujhe kuch na kuchh bahane banakar lauta diya.

Ek din mainte kisi tarah Ashish se uske office me mila aur jyada dabab diya to usne mujhe mera account bataya jisme 2700/- balance reh gaya tha yani mere mehnat se kamaye 55000/- woh brockerage, loss and Futures expire dikhakar kha gaye.

Main ek chhoti si naukari karne wala aadmi hoon badi hi mehnat evam apna evam apne parivar ka pet katkar meine mushkil se maine Religare mein paise lagye the ki kuchh sahara lagega lekin unhone eisa dhoka diya ki 2 months mein 55000/- kha gaye main tab se theek se so bhi nahin pa raha hoon.

Agar koi mere is paise ko nikalwane mein mujhu kuchh help kar sake toh please mujhe sampark kare ya mere jaise staye hue log milkar case file karna chahen to mera contact no. [protected] email id b.[protected]@rediff.com

Aap logon ka bahumulya samay lene ke liye chhama yaachak hoon.

Bhupendra