Dainik Jagran — fraud in uttar bihar gramin bank

Uttar Bihar gramin bank me kisano ke saath dhoka kiya ja raha hai.
Uttar Bihar gramin bank me chairman ke nirdesh par sabhi branches me KCC renewal kiya ja raha hai.
Isme branch manager kisan ko bewakoof bana ke usse blank deposit aur withdrawal slip par kisan ka signature ya thumb impression lekar uska renewal karte hain aur uske loan ki limit bina kisan ko bataye 2 guna aur 3 guna kari ja rahi hai. Is tarah se kisano ke upar loan ke saath saath interest ka bhi burden pad raha hai wo bhi double triple.
Isme kewal kam padhe likhe evam garib kisan hi fans rahe hain. Padhe likhe kisan kabhi sign nahi karte.
Aur yakin na ho to kisi bhi village ke kisan jo ki loanee hai uttar Bihar Gramin bank ka usse puchhiye manager ne kya karwaya aapko pata chal jayega.
Mai saharsa jile se hu.
Is vishay ki jaanch karwai jaye bahut jaruri hai tatha bank ke management ke khilaaf sakht karyavahi kari jaye.
Mai bhi kisan hu aur mujhe media se hi ummid hai. Is matter ko highlight kariye sab kisano ke saath nyay hoga.