Kd Technology — form filling work fraud

Hello Dear sir/mam. Maine last month OLX par typing work ka ad dekha aur apply kar diya. Mere number par ek bande ka call aya aur usne bola ki vo KD Technology, Gujrat se bol raha hai. Usne bola hamare yaha form filling ka work hai jo aap apne pc ya laptop par kar sakte ho. Usne bola 2200 forms ko 20 days me fill karna hai. Per form 25 rupees ke hisab se payment kiya jayega. Advance me koi money deposit ni karna hai but work complete hone ke baad aapki payment se 5200 rupees charges cut ho kar baaki ka payment aapko milega. Usne fir apna email send kiya aur us par mera adhar card send karne ko kaha. Maine kar diya. Uske baad usne ek link send kia jis par DigitalDocs app download hua. Us par usne mera photo aur signature karne ko kaha. Uske baad company ki or se mujhe voice mail aya usme bataya gaya if maine given time period me work complete ni kia to mujhe 5200 rupees ka fine pay karna hoga. Usme bataya gaya ki agar 2200 me se 200 se zyada forms me galti hogi to company koi bhi payment nahi karegi. Fir unhone meri mail par 20/- rupees ka stamp send kia jisme yahi sab conditions aur Company na name KD technology, Gujrat likha tha. Company ka koi proper address nahi tha. Mera name bhi mention tha aur mera adress likha hua tha. Uske baad mujhe ek id aur password provide karaya gaya jis par maine work karna shuru kia. Maine helpline par baar baar form fill karne ka way pucha. Jaha bhi mujhe confusion hota tha mai turant helpline par call kar leta tha. About 400 forms aise the jinme aadhe columns blank hote the. Maine helpline par pucha ke in blank columns me kya fill karna hai to mujhe bataya gaya ki blank columns me dash - karna hai. Maine un saare forms me wahi kia. Given time period me maine work complete kar diya. Fir waha se unhone QC report bheji jisme unhone mere work ko fail bata dia. Unhone vo saare blank columns waale forms ko reject kar dia. Maine helpline ki guidance k according hi forms fill kiye. Mere paas helpline ke sath call ki recording bhi hai. But unhone vo saare forms reject kar diye. Aur un forms me dash - karne ko hi mistake bataya. Aur ab mere phone number aur mail par threatening calls aur messages aa rahe hain. Vo mera payment to kar nahi rahe ulta mujhse 8782/- rupees maang rahe hain. 5200 me unhone GST aur advocate ki fee bhi add ki hai aur mujh par bhot saare case karne ki dhamki de rahe hain. Maine google par dekha hai KD technology ne desh bhar ke hazaro logo ke saath yahi fraud kia hai. Please show me the way. Please bataiye mujhe kya karna chahiye. Mere aur saare victims ke sath justice kijiye.